Norveçin “Equinor” şirkəti Azərbaycanda “Əşrəfi-Dan Ulduzu-Aypara” (ƏDUA) strukturu üzrə filialının ləğv olunduğunu elan edib.
Trend bu barədə İqtisadiyyat Nazirliyi yanında Dövlət Vergi Xidmətinin məlumatlarına istinadən xəbər verir.
Məlumatda qeyd olunub ki, kreditorlar iki ay ərzində tələblərini AZ1905 Bakı şəhəri, Nəsimi rayonu, Üzeyir Hacıbəyov küçəsi, ev 62 ünvanına bildirə bilərlər.
Xatırladaq ki, filial 3 aprel 2018-ci ildə qeydiyyatdan keçib, qanuni təmsilçisi “Nils Telnaes”dir.
Qeyd edək ki, 2023-cü ilin dekabr ayında “Equinor” şirkəti özünün “Azəri-Çıraq-Günəşli”, “Qarabağ” yataqlarında və Bakı-Tbilisi-Ceyhan (BTC) layihəsindəki paylarını Azərbaycan Dövlət Neft Şirkətinə (SOCAR) satdığını elan edib.
“Equinor” bundan əvvəl AÇG-də 7,27%, BTC-də 8,71%, “Qarabağ” yatağında isə 50% səhmlərə malik idi.
