SOCAR Türkiye Enerji A.Ş. (STEAS) 2019-2023-cü illərdə özünün Türkiyə Cümhuriyyətindəki qaz paylayıcı “Kayserigaz” və “Bursagaz” şirkətlərinin qazlaşdırma işlərinə ümumilikdə 170 milyon dollar sərmayə yatırıb.
Bunu STEAS-ın qaz biznesi bölməsinin rəhbəri Fuad İbrahimov açıqlayıb.
“Bursagaz” və “Kayserigaz” Türkiyədə 1,9 milyon müştəriyə xidmət göstərir. Bu arada “Bursagaz”ın regionun 11 rayonunda 1,2 milyon müstərisi var və abunəçi sayına görə o, ölkənin dördüncü ən böyük qaz paylayıcı şirkətidir”, – deyə İbrahimov bildirib.
Onun sözlərinə görə, “Kayserigaz” şirkəti isə hazırda 7 min müştəriyə xidmət göstərir.
İbrahimov qeyd edib ki, STEAS-ın balansında olan qaz paylama kəmərlərinin uzunluğu ilin əvvəlinə 14 236 kilometrdən 2024-cü ilin sonuna qədər 14 770 kilometrə qədər artırılacaq.
2023-cü ilin sonunda STEAS, ümumi sərmayəsi təxminən 20 milyard ABŞ dolları olmaqla, Türkiyənin qabaqcıl inteqrasiya olunmuş sənaye şirkətlərindən birinə və ən böyük xarici investorlardan birinə çevrilərək Türkiyədəki fəaliyyətinin 15 illiyini qeyd edəcək.