Ötən il Türkmənistanda 80 milyard kubmetrdən çox təbii qaz və 8 milyon tondan çox neft hasil edib.
Bu məlumatı Türkmənistanın Dövlət Statistika Komitəsinin sədri Dövlətgəldi Amanmuhammedov açıqlayıb.
“2023-cü ildə sənaye sektoru sabit artım nümayiş etdirib. O cümlədən, təbii qaz hasilatı 80 milyard 618,7 milyon kubmetr, neft hasilatı isə 8 milyon 316,7 min ton təşkil edib”, – deyə Amanmuhammedov Nazirlər Kabinetinin geniş iclasında çıxışı zamanı bildirib.
Türkmənistanın dövlət xəbər agentliyi TDH xəbər verir ki, iclasda çıxış edən yanacaq-energetika kompleksinə cavabdeh olan baş nazirin müavini Batır Amanov bildirib ki, “təbii və səmt qazının hasilatı üzrə plan 106,9 faiz, ixrac üzrə isə 112,6 faiz yerinə yetirilib” .
