2023-cü ildə Rusiyada kömür hasilatı 1,1% azalaraq bir il əvvəlki 443,6 milyon tona qarşı 438,7 milyon ton təşkil edib.
Caspian Barrel Rusiya energetika nazirliyinə istinadən xəbər verir ki, 2023-cü ildə Rusiyadan ixrac üçün kömür tədarükü 3,9% azalaraq 212,5 milyon tona qədər azalıb.
Bundan əlavə, 2023-cü ildə daxili bazara kömür daşınması 0,2% azalaraq 181,2 milyon tona düşüb.
2022-ci ildə kömür şirkətlərinin əsas kapitalına investisiyalar 36,6% artaraq 235,3 milyard rubla çatdı, amma 2023-cü illə bağlı hələ məlumat ictimailəşdirilməyib.
Yanvarda Rusiyanın enerji sektoruna cavabdehlik daşıyan baş nazirin müavini Aleksandr Novak yerli “Enerji siyasəti” jurnalı üçün yazdığı məqalədə bərk yanacağa artan qlobal tələbatın Rusiyadan kömür ixracını 220 milyon ton səviyyəsində saxlanılacağını qeyd etmişdi. Eyni zamanda Çin, Hindistan və Türkiyə Rusiya kömürünün əsas idxalçıları olaraq qalacaq.
