Füzulidə SOCAR brendli növbəti modul tipli yanacaqdoldurma stansiyası (YDS) istifadəyə verilib.
Caspian Barrel bu barədə “SOCAR PETROLEUM” QSC-nin mətbuat xidmətinə istinadən xəbər verir.
Yanacaqdoldurma stansiyası Hacıqabul-Bəhramtəpə-Mincivan avtomobil yolundan istifadə edən nəqliyyat vasitələrinin sürücüləri üçün nəzərdə tutulub.
Aİ-92, Aİ-95 Premium markalı benzin və dizel yanacaq məhsullarının satılacağı YDS-də 2 ədəd yanacaq paylayıcı quraşdırılıb. Eyni zamanda, iki yüngül və ağırtonnajlı avtomobillərin yanacaqla təmin olunması üçün müvafiq şərait yaradılıb.
