2023-cü ilin yanvar-mart aylarında SOCAR şirkəti 1 milyon 920,491 min ton neft hasil edib. Bu barədə “İnterfaks-Azərbaycan”a şirkətin mətbuat xidmətindən məlumat verilir.
SOCAR-ın məlumatına görə, 2022-ci ilin birinci rübdə şirkət tərəfindən 1 milyon 930,062 min ton neft hasil olunub. Beləliklə, 2023-ci ilin yanvar-mart aylarında neft hasilatı 0,5% azalıb.
Birinci rübdə SOCAR üzrə qaz hasilatı 2 milyard 205 milyon 352 min kubmetr (ötən ilin analoji dövründə 1 milyard 917 milyon 971 min kubmetr) təşkil edib. Beləliklə, 2023-cü ilin yanvar-mart aylarında şirkət qaz hasilatını 15% artırıb.
“Hesabat dövründə müvəffəqiyyəti şərtləndirən amillər sırasında maliyyə və işgüzar dayanıqılığın möhkəmlənməsi, əməliyyat effektivliyinin artırılması, rəqəmsal enerji texnologiyalarının tətbiqi, həmçinin əmək təhlükəsizliyinin gücləndirilməsi xüsusi yer tutur. Səmərəli fəaliyyətin nəticələri öz əksini şirkətin əsas istehsalat göstəricilərində də tapıb”, – SOCAR-ın məlumatında deyilir.
2022-ci ildə SOCAR 7 milyon 785,286 min ton neft (azalma 1,4%), 8 milyard 69,963 milyon kubmetr (artım 2,7%) hasil edib.
