SOCAR 2022-ci ilin III rübü üçün açıqladığı hesabatda onun tərəfindən ixrac edilən neftin həcminin 7,4% artdığını bəyan edib.
Məlumata görə, cari ilin yanvar-sentyabr aylarında SOCAR 4 mln 783 min 168 ton neft ixrac edib.
Daha sonra SOCAR bu həcmlərin nədən ibarət olduğunu açıqlayır:
- SOCAR-ın öz imkanları ilə hasil etdiyi neft;
- konsorsiumlar (hasilat müqavilələri) çərçivəsində SOCAR-ın payına
düşən mənfəət nefti; - konsorsiumlar çərçivəsində Azərbaycan dövlətinin payına düşən mənfəət nefti.
Göründüyü kimi hesabatda bu həcmlər ümumi şəkildə verilir, ayrı-ayrılıqda bölgü ictimailəşdirilmir. Amma ictimaiyyətin diqqətindən də kənarda qalmamalıdır ki, dölətə və 100% onun səhmlərinə malik şirkətə Hasilatın Pay Bölgüsü sazişlərindən nə qədər neft (o cümlədən kondensat və qaz) çatır.
O cümlədən AR Dövlət Neft Fondu da “Azəri-Çıraq-Günəşli” və “Şahdəniz” kimi meqa layihələrdən daxilolmaları hər ay açıqlayarkən dövlətin payına düşən mənfəət nefti, kondensatı və nefti həcmcə ictimailəşdirmir.
Caspian Barrel
