Estoniyada avtomobil yanacağının qiyməti artaraq yeni rekord müəyyənləşdirib.
Caspian Barrel Delfi.ee saytına istinadən bildirir ki, indiyə qədər Estoniyada yanacağın qiyməti heç zaman 2 avrodan baha satılmamışdı.
Bu gün Estoniyada yanacaqdoldurma məntəqələri indiyə qədər istehlakçıların müşahidə etmədikləri qiymətə yanacaq təklif edirlər: Ai-95 markalı benzinin litrinini 2,049 avroya almaq olar. Ai-98 markalı benzinin qiyməti artıq 1 litr üçün 2,099 avroya yüksəlib. Dizel yanacağı isə 2,059 avroya satılır.
Qeyd edək ki, hələ martın 7-də Ai-95 benzinin litrini 1,949 avroya almaq olardı. Ai-98 benzinin qiyməti 1 litr üçün 1,999 avro təşkil edirdi. Dizel yanacağının qiyməti isə 1,889 avroya təşkil edilirdi.
