Caspian Barrel xəbər verir ki, “Azeri Ligth” markalı neft 2014-cü ilin sentyabrından sonra hələ bu qiymətə ticarət edilməmişdi.
“Azeri LT CIF” markalı neftin bir barelinin qiyməti $3,21 bahalaşaraq $100,76 təşkil edib. Bu haqda bazar iştirakçıları məlumat yayıb.
Azərbaycanın 2022-ci il dövlət büdcəsində bir barel neftin orta qiyməti 50 ABŞ dollarına bərabər götürülüb.
Azərbaycan neftinin bir barelinin ən ucuz qiyməti 2020-ci il aprelin 21-də $15,81 səviyyəsində, ən yüksək qiyməti isə 2008-ci ilin iyulunda $149,66 səviyyəsində qeydə alınıb.
2021-ci ildə “Azeri Light” markalı neftin bir barelinin orta qiyməti $71,6 (2020-ci ildə – $43,7) təşkil edib.
