Cari ilin yanvar-noyabr aylarının yekunu olaraq Azərbaycanda 39 milyard 697,5 milyon kubmetr qaz hasil edilib.
Caspian Barrel Dövlət Statistika Komitəsinin aylıq hesabaına istinadən xəbər verir ki, respublikada qaz hasilatı 2020-ci ilin müvafiq dövrü ilə müqayisədə 17,8 faiz artıb.
Hesabat dövründə ölkədə əmtəəlik qaz hasilatı isə 29 milyard 427,3 milyon kubmetr təşkil edib ki, bu da ötən ilin 11 ayının nəticələri ilə müqayisədə 23 faiz çox olub.
Qeyd edək ki, 2020-ci ildə Azərbaycanda ümumilikdə 36 milyard 713,3 milyon kubmetr qaz hasil edilmişdi ki, bunun da 26,06 milyard kubmetrini əmtəəlik həcmlər təşkil etmişdi.
