Caspian Barrel Londonun ICE birjasına istinadən bildirir ki, bazar ertəsi hərracların əvvəlində Avropada qaz fyuçerslərinin qiymətləri 15%-dən çox azalaraq min kubmetr üçün 1100 dollardan aşağı düşüb.
Avropanın ən likvid qaz mərkəzi olan Hollandiyanın TTF indeksi üzrə yanvar fyuçerslərinin dəyəri ticarət sessiyasının açılışında 10%-dən çox azalma göstərərək 1156,7 dollar təşkil edib. Daha sonra günortaya yaxın qiymətlər 1090,7 dollara qədər azalıb. Qeyd edək ki, ötən cümə hərraclar üzrə əməliyyatlar başa çatarkən qaz qiymətləri 1290 dollar idi və bu baxımdan günün birinci yarısında mavi yanacaqın qiyməti 15,5% azalma nümayiş etdirib.
Yanvar fyuçerslərinin orta qiyməti ötən ay 960 dollar olub, dekabrın 24-nə (ən son məlumatlar) RİA Novosti-nin hesablamalarına görə, eyni göstərici təxminən iki dəfə artaraq 1410 dollar təşkil edib. Noyabrda orta spot qiymət demək olar ki, 950 dollara çatdı və indi Spot TTF-nin dekabrın 27-nə olan məlumatına görə, o, demək olar ki, 1350 dollara qədər yüksəlib.
Ötən həftə qaz bazarının iştirakçıları üçün hərraclar qiymətin kəskin dəyişməsi baxımından çox əlverişli olmuşdu: fyuçerslərin qiymətləri rekord həddə – 2200 dollara yaxınlaşdıqdan sonra həftənin sonunda demək olar ki, 1,9 dəfə dəyərini itirmişdi.
