“Hazırda neft bazarında qiymətlər kifayət qədər yüksəkdir”
Bunu “Report”a açıqlamasında energetika naziri Pərviz Şahbazov deyib.
“Biz də sözsüz ki, bahalı neftdən bəhrələnirik, amma eyni zamanda sabit neft qiymətləri üçün “OPEC+” formatı çərçivəsində fəaliyyətimizi davam etdiririk. Noyabrın 4-də “OPEC+” daha bir önəmli qərar qəbul etdi və düşünürəm ki, bu son qərar neft bazarına töhfə verəcək”.
Xatırladaq ki, noyabrın 4-də “OPEC+” ölkələrinin energetika nazirlərinin 22-ci iclasında gündəlik xam neft hasilatının 2021-ci ilin avqust-dekabr aylarında hər ay 400 min barrel artırılması üzrə nazirlərin iyul iclasında qəbul edilmiş qərarın qüvvədə qalmasına dair razılıq əldə edilib. Azərbaycan “OPEC+” üzrə neft hasilatının artırılması üzrə konsensusa qoşulub.
