Son on ildə Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin (İB) şəbəkəsində itki faizi 6 dəfə azalıb.
“Report” xəbər verir ki, bunu “Azəriqaz”ın Baş direktoru Ruslan Əliyev bu gün media nümayəndələri üçün keçirilən “Açıq qapı” aksiyası zamanı bildirib.
“Əsas iqtisadi göstəricilərdən biri itkidir. 2010-cü ildə “Azəriqaz” İB-də qaz itkisi 42 % idisə 2021-ci ildə bu 7 %-in altındadır. Baxmayaraq ki, boru kəmərlərinin uzunluğu 3-4 dəfə, abonentlərin sayı isə 3 dəfədən çox artıb. İnkişaf etmiş ölkələrdə bu göstərici 5-6 % arasında götürülur. Bu bizim hədəfimizdir”, – deyə o əlavə edib.
