Böyük Britaniyada yanacaqdoldurma məntəqələri ilə işləyən “EG Group” pərakəndə satış şirkəti ölkədə görünməmiş yanacaq tələbatı səbəbiylə benzin satışına limit tətbiq edib.
“Report” xəbər verir ki, bu barədə “Times” nəşrinin iqtisadiyyat redaktoru Stiven Svinford şirkətə istinadən yazır.
Redaktor bildirib ki, 389 yanacaqdoldurma məntəqəsi olan şirkətin yeni qərarına əsasən bir sürücü yalnız 30 funt sterlinq dəyərində yanacaq ala bilər. Şirkətdən verilən məlumata görə, bu tədbir bütün müştərilərə yanacaq almaq şansı verəcək.
Qeyd edək ki, İngiltərədə bir litr Aİ-95 təxminən 1,35 (3,14 manat – Red) , Aİ-98 və dizel 1,37 (3,18 manat – Red) funt sterlinqdir.
