İyulun 28-də Moskvanın Xalq Təsərrüfatı Nailiyyətləri Sərgisindəki (XTNS) “Azərbaycan” pavilyonunda neftçi-geoloq Fərman Salmanovun 90 illiyinə həsr olunmuş arxiv fotolar sərgisi açılacaq.
“Report”un Rusiya bürosunun məlumatına görə, sərginin təşkilatçıları “Azərbaycan” pavilyonunun və “Neft” adlı 25-ci pavilyonun rəhbərliyidir.
Sərginin təşkilatçıları qeyd edirlər ki, Fərman Salmanov dünya tarixinə nəhəng neft-qaz yataqlarının açılışında iştirak etmiş ən məhsuldar geoloq kimi düşüb. Surqutun Beynəlxalq Hava Limanı 2019-cu il mayın 31-dən etibarən F.K.Salmanovun adını daşıyır.
Fərman Salmanov Rusiya və Azərbaycan neft sənayesi tarixinin ayrılmaz parçasıdır. XTNS-nin “Azərbaycan” pavilyonunda Salmanova həsr olunmuş stend fəxri yer tutur.
