Yanvar-aprel aylarında Azərbaycanda 8 milyard 383 milyon kilovat/saat elektrik enerjisi istehsal edilib. Bu göstərici 2020-ci ilin müvafiq ayları ilə müqayisədə 1,3 faiz çoxdur.
AZƏRTAC Dövlət Statistika Komitəsinin məlumatlarına istinadla xəbər verir ki, əmtəəlik elektrik enerjisi istehsalı isə əvvəlki ilin müvafiq dövrü ilə müqayisədə 1,4 faiz artaraq 8 milyard 123,8 milyon kilovat/saat olub.
Həmin həcmin 7 milyard 652,4 milyon kilovat/saatı istilik, 427,7 milyon kilovat/saatı su, 29,9 milyon kilovat/saatı külək, 13,8 milyon kilovat/saatı isə günəş elektrik stansiyalarında istehsal edilib.
