2020-ci ilin yanvar-noyabr ayları üzrə, operativ məlumatlara əsasən, Azərbaycanda 31,6 milyon ton neft (kondensatla birlikdə) hasil edilib.
Caspian Barrel Azərbaycan energetika nazirliyinə istinadən xəbər verir ki, neft və kondensat hasilatı ötən ilin müvafiq dövrü ilə müqayisədə təxminən, 2,6 milyon ton azalıb.
Respublika üzrə neft hasilatının 21,6 milyon tonu “Azəri-Çıraq-Günəşli”nin, 3,2 milyon tonu (kondensat) “Şahdəniz”in payına düşüb.
SOCAR üzrə neft (kondensatla birlikdə) hasilatı 6,8 milyon ton təşkil edib.
Hesabat dövründə 26 milyon ton neft (kondensatla birlikdə) ixraca nəql olunub. Bu 2019-cu ilin 11 ayına nisbətən, təxminən, 2,5 milyon ton, yəni 8,8 faiz azdır.
Neft və kondensatın 24,8 milyon tonu “BP-Azerbaijan” (AÇG və Şahdəniz) şirkəti tərəfindən 1,2 milyon tonu isə SOCAR üzrə ixraca nəql edilib.
