Neft bazarını daima aldatmaq olmaz, OPEC+ sazişi üzrə vədləri yerinə yetirmək lazımdır. Bunu Səudiyyə Ərəbistanın energetika naziri şahzadə Əbdül Əziz bin Salman OPEC+ Birgə Monitorinq Komitəsinin (JMMC)iclasını açarkən deyib.
“İzn verin əvvəlcədən vəziyyəti aydınlaşdırım. Tam riayət olunma – xeyriyyəçilik deyil. Bu, qrupun ayrılıqda hər üzvünün səmərəsi və marağın maksimum artması üzrə kollektiv səylərimizin ayrılmaz hissəsidir. Riayət olunma isə məmnuniyyətlə və məsuliyyətlə qəbul etdiyimiz suveren qərardır”, – o bildirib.
Əbdül Əziz bin Salman həmçinin bəyan edib ki, saziş üzrə öhdəliklərin yerinə yetirilməməsi nəinki OPEC+ formatına, həm də “bizim hamımızın” nüfuzu və etibarına xələl gətirir, çünki bazar dünya iqtisadiyyatı haqqında xəbərlərə çox həssas yanaşır.
“Bazarı daima aldatmaq olmaz. Bu yalan vədlər nəinki onları verəni hörmətdən salır, həm də bizim kollektiv məqsədimizi zəiflədir”, – nazir vurğulayıb.
“Tam riayət olunmama, sonra isə kompensasiya ödənişi normaya çevrilməməlidir. Biz çalışmalıyılq ki, kompensasiya sxemindən imtina edək və bunu ilin sonunadək reallaşdıraq”, – o qeyd edib.
Komitənin çərşənbə günü keçirilən iclasında müəyyən olunub ki, avqust ayının yekunları üzrə OPEC+ sazişi 101%, OPEC-a üzv ölkələr 102%, qeyri-OPEC ölkələri – 99% yerinə yetirilib.
