Azərbaycan Energetika Nazirliyi hələlik neft bazarında mövcud vəziyyəti izləyir, gələcəkdə ölkədə neft hasilatının artırılmasına dair qərar qəbil edilməyib. Bu barədə Energetika Nazirliyin mətbuat xidmətinin rəhbəri, energetika nazirinin müşaviri Zəminə Əliyeva deyib.
“Hazırda individual qaydada heç bir addıma cəhd etmirik. OPEC+ ölkələrinin neft hasilatının məhdudlaşdırılması üzrə sazişin vaxtı bitdikdən sonra ölkədə neft hasilatının artırılması məsələsi açıq qalır. Aprelin 1-dək hadisələrin necə cərəyan edəcəyinə diqqət yetirək”, – Z.Əliyeva “İnterfaks-Azərbaycan”a bildirib.
Azərbaycan Energetika Nazirliyi Əməkdaşlıq Xartiyası çərçivəsində OPEC+ məsləhətləşmələrinin müsbət məcrada aparılacağına ümid edir. Bunu “İnterfaks-Azərbaycan” agentliyinə açıqlamasında nazirliyin mətbuat xidmətinin rəhbəri, energetika nazirinin müşaviri Zəminə Əliyeva deyib.
“Məlum olduğu kimi, OPEC+ ölkələri məsləhətləşmələrin Əməkdaşlıq Xartiyası çərçivəsində davam etdirilməsi barədə razılığa gəlib. Ümid edirik ki, bu məsləhətləşmələr müsbət məcrada davam etdiriləcək”, – o bildirib.
Müşavirin sözlərinə görə, indiyə qədər OPEC+ formatı çərçivəsində qəbul edilən bütün qərarlar neft bazarı üçün müsbət mesaj rolunu oynayıb.
O hesab edir ki, bu məsələdə ilk növbədə, OPEC+ sazişinin əsas tərəfdaşları olan Səudiyyə Ərəbistanı ilə Rusiya arasında razılıq əldə edilməlidir.
Xəbər verildiyi kimi, martın 6-da OPEC+ üzv ölkələrinin iclasının yekunlarına dair gələcək saziş ilə bağlı razılıq əldə olunmayıb, həmçinin dünən keçirilən iclasdan sonra OPEC yalnız ikinci rübdə neft hasilatının azalmasını gündəlik 1,5 milyon barrel artırmağı və mövcud məhdudiyyətin gündəlik 1,7 milyon barrel uzadılmasını tövsiyyə edib.
Bundan əlavə, Səudiyyə Ərəbistanı OPEC+ neft hasilatının birgə azaldılmasını ehtiva edən OPEC+ sazişi üzrə əsas tərəfdaşı olan Rusiya ilə konsensusa nail olmayaraq OPEC ölkələri ilə neft hasilatının bütün 2020-ci il üçün daha 1,5 milyon barrel azaldılmasını razılaşdıraraq dərəcələri iki dəfə artırıb.
OPEC-in növbəti iclası iyunda keçiriləcək.
