Ukrayna I rübdə Azərbaycandan $107 mln. dəyərində neft idxal edib

Ukrayna 2018-ci ilin I rübündə Azərbaycandan $107 mln. dəyərində neft idxal edib. Bu barədə Ukrayna mətbuatı Dövlət Fiskal Xidmətinin məlumatına istinadən xəbər verir.

«Bu ilin I rübündə Ukrayna $117,1 mln. dəyərində 225,1 min ton neft idxal edib. 2017-ci ilin yanvar-mart ayları ilə müqayisədə miqdar ifadəsində artım 25,8%, pul ifadəsində 42,7% təşkil edib.

Azərbaycandan $107 mln., Əlcəzairdən $7,2 mln., İrandan $1,8 mln., digər ölkələrdən $1,1 mln. dəyərində neft ixrac olunub», – deyə məlumatda qeyd olunur.