AÇG-dən Neft Fonduna gələn mənfəət 2016-cı ildə 1 milyard 758 milyon ABŞ dolları aşağı düşüb
Azərbaycan Dövlət Neft Fondundan Caspian Barrel-ə bildiriblər ki, “Azəri-Çıraq-Günəşli” (AÇG) yataqları üzrə əldə olunan ümumi gəlirlər 2001-ci ildən etibarən 1 yanvar 2017-ci il tarixinə 122 milyard 109 mln. ABŞ dolları təşkil edib.
2016-cı il ərzində AÇG yataqlarından dövlətin əldə etdiyi mənfəət neftinin dəyəri isə 5 milyard 100 mln. ABŞ dolları olub.
Caspian Barrel xatırladır ki, 2015-ci ildə AÇG-dən Neft Fonduna daxilolmaların ümumi məbləği 6 milyard 858 milyon ABŞ dolları olmuşdu. Ancaq həmin il Azərbaycan neftinin orta ixrac qiyməti 1 barel üçün 54,30 təşkil etmişdisə, 2016-cı ildə bu göstərici 45,05-ə qədər azalmış, bundan əlavə 2015-ci ildə AÇG müqavilə sahəsində gündəlik orta hasilat 634 min barel təşkil etmişdisə, ötən il hasilatın təqribən 0,7% azalması qeydə alınıb.
