Büdcə təqribən 150 milyon manata qədər proqnozlaşdırılan neft pulunu ala bilməyib
Maliyyə Nazirliyi 2016-cı ilin büdcə icrasına dair açıqladığı məlumatlara əsasən, Vergilər Nazirliyinin xəttilə ümumi daxilolmaların (7 milyar 15,2 milyon manat) 22,9%-i və ya 1.607 milyard manatı neft sektorunun vergi ödənişləridir. Hökumətin proqnozlatına görə isə neft sektoru üzrə 1.610 milyard manat vergi ödənməli idi.
Həmin proqnoz göstəricilərinə əsasən, 2016-cı ildə ödəmələrin 1.240 milyard manatı SOCAR-ın, 370 milyon manatı xarici neft şirkətlərinin payına düşməliydi.
Hal hazırda Dövlət Neft Şirkəti (SOCAR) 2016-cı ildə büdcəyə nə qədər vəsait ödədiyini ictimaiyyətə açıqlayıb – 1.395 milyard manat vergi ödəyib. Buradan belə qənaətə gəlmək olar ki, yerdə qalan 212 milyon manat vəsait xarici neft şirkətlərinin mənfəət vergisi üzrə ödənişləridir.
