SOCAR “Bulla-dəniz” yatağındakı quyuda qazma işlərinə başlayıb. Bu barədə şirkətin məlumatında deyilir.
123 nömrəli quyu 122 nömrəli stasionar dəniz özülündən qazılır. Layihə dərinliyi 6200 metr olan quyu Kompleks Qazma İşləri Tresti tərəfindən məhsuldar qatın VIII horizontuna qazılır”, – deyə məlumatda bildirilir.
Geoloqların hesablamalarına əsasən, quyudan sutkada 800 000 kubmetr qaz və 150 ton kondensat hasil ediləcək.
Bulla-dənizdə hasil edilən qaz ölkənin daxili bazarına yönəldilir.
* Caspian Barrel bildirir ki, “Bulla-dəniz” qaz-kondensat yatağı 1973-cü ildə kəşf edilib. Xəzərin dayaz hissəsində yerləşir (suyun dərinliyi 30 metrədək), sahildən 25-30 km məsafədədir. Burada hasilata 1975-ci ildə başlanılıb. 2013-cü ildə aparılan kəşfiyyat-qazma işləri nəticəsində təqribən 6 min metr dərinliyində yataqda yeni qaz layları aşkar edilib. Bundan sonra onların işlənməsi ilə bağlı kompleks tədbirlər planı işlənib həyata keçirilir. Yataq Nərimanov adına Neft Qaz Çıxarma İdarəsi tərəfindən istismar edilir.
