Həştərxan vilayəti admistrasiyasında bildiriblər ki,Vladimir Filanovski adına yataq istismara verildikdən sonra Lukoil şirkəti Xəzər dənizində ildə 7 milyon ton neft hasil etməyi planlaşdırır.
İdarədə qeyd ediblər ki,keçən il Yuri Korçagin adına yataqda daha 7 hasilat quyusu qazılıb. Yataqda 1.7 milyon ton neft hasil edilib,toplam hasilat həcmi 5.5 milyon tondan artıq olub – deyə admistrasiyada qeyd ediblər.
Filanovski və Korçagin adına yataqlar Xəzər dənizinin Rusiya sektorunun şimal hissəsində yerləşiblər. Yuri Korçagin adına yataqda xammal hasilatı 2010-cu ildən aparılır. Yataqda karbohidrogen ehtiyatları 270 milyon barel neft ekvivalentinə bərabərdir.
Vladimir Filanovski adına yataq 2005-ci ildə kəşf edilib. Yatağın hasil edilə bilən ehtiyatları C1 + C2 kateqoriyaları üzrə 153.1 milyon ton neft, qaz ehtiyatları isə 32.2 milyard kub metr təşkil edir layihənin həyata keçrilməsinə 3 il əvvəl başlanıb.
