Neftin qiyməti may ayında 50 dollara qədər qalxa bilər. Belə bir proqnozla İsveçrənin Crédit Suisse bankının təhlilçiləri çıxış ediblər.
Ekspertlər neftə olan yüksək tələbatın onun barellinin 3-4 həftə ərzində 40 dollar ətrafında qalmasına kömək edəcəyini proqnoz edirlər. Bununla da, mayın ilk ongünlüyündə neft hasilatının dondurulması müzakirələri fonunda qiymət 50 dollara yüksələ bilər.
Neftin son günlərdəki ziddiyyətli dinamikası isə ABŞ-ın neft ehtiyatlarının həcminin azalması ilə izah edilir.
