“Wall Street Journal” (WSJ) qəzeti xəbər verir ki,GE şirkətinin neft-qaz bölməsinin rəhbəri Lorenzo Simonelli ölkədə biznesin inkişafı imkanlarını araşdırmaq üçün Tehrana səfər edib. Beləliklə Simoneli nüvə sanksiyaları qaldırıldıqdan sonra,ölkəni ziyarət edən ilk American top meneceri olub.
GE Oil & Gas neft hasilatı üçün qazma və texniki avadanlıqlar,o cümlədən sualtı nasoslar və digər neft avadanlıqları istehsal edir. Şirkət İrana ehtiyat hissələri, kompressorlar, turbinlər və neft-qaz sənayesinin digər avadanlıqlarını tədarük etmək niyyətindədir. Nüvə sanksiyaları zamanı GE şirkəti İranda humanitar səbəblərdən sanksiyaların təsiri altına düşməyən tibbi avadanlıqların satışını həyata keçirirdi.
Hazırda İrana qarşı insan hüquqlarının pozulması, qanunsuz silah satışı və terrora dəstək, eləcə də ballistik raket proqramların inkişafı üzündən ABŞ-ın sanksiyaları qüvvədə qalır. Bununla belə Vaşinqton öz şirkətlərinə xarici bölmələri vasitəsiylə İranla ticarət aparmağa icazə verib. GE Oil & Gas GE şirkətinin bölməsi olub Londonda yerləşir.
