“Transneft” SC və SOCAR (Azərbaycan Respublikası Dövlət Neft Şirkəti, ARDNŞ) arasında müqavilə 2016-cı ildə Bakı-Novorossiysk kəməri ilə 1,4 mln. ton həcmində Azərbaycan neftinin nəqlini nəzərdə tutur. Bu barədə Neft İnformasiyası Agentliyinə (ANİ) Rusiya boru kəməri inhisarının prezidentinin müşaviri, mətbuat katibi İqor Demin məlumat verib.
Onun sözlərinə görə, SOCAR-ın Mahaçqaladan neft nəql etməsi üçün texniki imkan yaranarsa, ayrıca müqavilə tələb olunacaq, hazırda belə imkan yoxdur.
SOCAR 2015-ci ilin yanvar-noyabr aylarında Novorossiysk limanından Bakı-Novorossiysk neft kəməri ilə ixrac edilmiş 1,3 mln. ton neft yola salıb ki, bu da ötən ilin analoji dövrünün göstəricisindən 36,2% çoxdur.
2014-cü ildə SOCAR Novorossiysk limanından 932,155 min ton neft yola salıb.
Azərbaycan 1997-ci ildən öz neftini Bakı-Novorossiysk kəməri ilə nəql edir.
