Rövnəq Abdullayev Ans TV-yə bildirib ki, yanğın nəticəsində heç bir insan itkisi yoxdur.
O deyib ki, yanğının söndürülməsi istiqamətində bütün zəruri tədbirlər görülür.
Qeyd edək ki, baş verən güclü tufan dünən saat 17.40 radələrində “Günəşli” yatağının dayazsulu hissəsindəki 10-cu dərin dəniz özülündə qaz xəttini sıradan çıxarıb, nəticədə yanğın olub.
* “Azneft” İstehsalat Birliyi il ərzində təqribən 6,8 milyon ton neft hasil edir ki, bunun da 60%-dən çoxu “Günəşli” Neft və Qaz Çıxarma İdarəsinin payına düşür.
