“KCA Deutag” BP şirkətinin Xəzər dənizində həyata keçirdiyi qazma əməliyyatlarının podratçısı seçilib. Bu barədə oedigital.com.internet nəşrində məlumat verilib.
““BP Exploration” (Caspian Sea) şirkəti “KCA Deutag” ilə ümumi dəyəri $360 mln. olan iki müqavilə bağlayıb”, – deyə məlumatda qeyd edilib.
Birinci müqavilə “KCA Deutag” şirkətinin ofşor bölməsini əhatə edir və “MərkəziAzəri”, “Qərbi Azəri”, “ŞərqiAzəri”yataqlarındakı platformalarda, həmçinin “Günəşli” yatağının dərinsulu hissəsində, “Şahdəniz” qaz-kondensat yatağındakı platformada qazma işlərinin aparılmasını və texniki xidmət göstərilməsini nəzərdə tutur. Müqavilə daha 6 il müddətinə uzadılmaq imkanı ilə 3 il müddətinə bağlanılıb.
İkinci müqavilə KCA şirkətinin layihələndirmə və dizayn üzrə RDS bölməsini əhatə edir və BP şirkətinin Xəzər dənizindəki layihələri əsasında bütün qazma işləri üzrə mühəndis xidmətlərinin göstərilməsini nəzərdə tutur. Bu müqavilə 2015-ci il dekabrın 1-də qüvvəyə minib və daha iki il müddətinə uzadılmaq imkanı ilə 2017-ci il sentyabrın 30-dək qüvvədə olacaq.
“Uzadılma imkanları nəzərə alınmaqla “KCADeutag” şirkəti ilə imzalanmış müqavilələrin ümumi dəyəri $1 mlrd. təşkil edəcək”, – deyə məlumatda bildirilir.
“KCA Deutag” 1997-ci ildən Azərbaycanda həyata keçirilən layihələrdə iştirak edir. “Çıraq” platformasındakı qazma qurğusu “KCA Deutag” şirkətinə məxsusdur və BP şirkətinə icarəyə verilir.
Şirkətin Azərbaycandakı ştatı 750 nəfərdən ibarətdir və onların 75%-i ölkə vətəndaşlarıdır.
