Dekabrın 4-də baş verən güclü tufan saat 17.40 radələrində “Günəşli” yatağınnın dayazsulu hissəsindəki 10-cu dərin dəniz özülündə qaz xəttini sıradan çıxarmış, nəticədə yanğın olmuşdur. Caspian Barrel bu barədə SOCAR-a istinadən xəbər verir.
Məlumata görə, ilk növbədə özüldəki işçilərin təxliyyə olunması istiqamətində tədbirlərə başlanılmışdır. Dalğanın hündürlüyü gəmilərin platformaya yaxınlaşmasına ciddi problemlər yaradır. Lakin buna baxmayaraq, hazırda Fövqəladə Hallar Nazirliyinin xilasetmə dəstələri tərəfindən Xəzər Dəniz Gəmiçiliyinin “Vixr-9” və “Topaz” yanğınsöndürən gəmiləri, habelə “Avyor” dalğıc və “Samir Quliyev” yedək gəmiləri vasisi ilə təxliyyə işləri həyata keçirilir.
SOCAR-ın məlumatından belə məlumat olur ki, hələlik 10-li platformada zərəçəkmişlərlə bağlı dəqiq məlumat yoxdur və onlarla bağlı ətraflı informasiyalar əldə edildikcə yayılacaq.
Hadisə ilə əlaqədar “Azneft” İstehsalat Birliyində qərargah yaradılmışdır. Qərargahın əlaqə telefonları:
+994 12 5211019
+994 50 2293521
+994 50 2457005
