“Bloomberg” agentliyi xəbər verir ki, OPEK-in 12 üzvünün qlobal bazara çıxardığı neftin bir barelinin qiyməti 2009-cu ildən ilk dəfə olaraq $40-dan aşağı düşüb.
Agentlik bazar ertəsi xəbər verib ki, noyabrın 13-də ticarətin sonunda OPEK-in səbətinin qiyməti bir barel üçün $39,21 təşkil edib.
Beynəlxalq enerji agentliyinin (EİA) rəhbəri Fateh Birol isə bildirib ki, cari neft qiymətləri ilə kartelin illik gəliri $550 milyard ola bilər. Son 5 ilin ortalama göstəricisi isə kartel üçün ortalam olaraq təqribən $1 trilyon təşkil edirdi.
OPEK-in növbəti iclası dekabrın 4-də Vyanada keçriləcək və iclasda hasilat kvotaları müzakirə ediləcək.
