Rusiyanın İqtisadi İnkişaf naziri Aleksey Ulyukayev hesab edir ki, neftin bir barelinə 50 dollar səviyyəsində qiymət ən azı bir neçə il çəkəcək.
Nazir bunu Rusiyanın ixrac potensialına həsr olunmuş konfransda çıxış edərkən bildirib.
Bundan əvvəl Ulyukayev bildirmişdi ki, neftin bareli 40 dollar səviyyəsində qalacağı halda Rusiya iqtisadiyyatı yalnız 2018-ci ildən artmağa başlayacaq.
Oktyabrın əvvəlində isə Maliyyə naziri Anton Siluanov ölkənin hazırki iqtisadi durumunun 2008-2009-cu illərdəki vəziyyətə bənzəməyəcəyini demişdi.
“Uuzun müddət çəkəcək iqtisadi çətinliklərə hazır olmaq lazımdır”, nazir Siluanov qeyd etmişdi.
“2008-2009 illərin tənəzzülündən sonra iqtisadiyyat qısa bir zamanda normal vəziyyətə qayıtmışdı. İndi belə olmayacaq. İqtisadi çətinliklər illər boyu çəkəcək”.
Neftin ucuzlaşması səbəbindən bu il Rusiya büdcəsinə 2,1 trilyon rubl daxil olmayıb.
İqtisadi İnkişaf Nazirliyinin proqnozuna görə, IV rübdə Rusiya iqtisadiyyatının ümumi həcmi 3,9 faiz azalacaq.
BBC
