“Bloomberg” agentliyi xəbər verir ki, təkcə sentyabrda İraq Kürdistanından ixrac edilən neftin həcmi 27% artaraq 18.6 milyon barelə çatıb ki, bu da gündə 600 min barel neft deməkdir.
Regional hakimiyyət bildirir ki, onlar İraqın mərkəzi büdcəsindən alınmayan vəsaitləri kompensasiya etmək üçün Türkiyənin Ceyhan limanına neft ixracını artırmaq məcbutiyyətindədilər. Öz növbəsində, rəsmi Bağdad belə hərəkətlərinin qanunsuz olduğunu bildirir.
“Hal-hazırda isə biz Türkiyəüzərindən gündə 700 min barel neft ixrac edirik”, – bunu İraq Kürdüstanı parlamenti neft və qaz komitəsinin sədr müavini Dilşad Şaaban bildirib.
İraq Kürdistanın regional hökümət 2015-ci ilin sonuna Türkiyəyə neft ixracını gündə 900 min barelə qədər artırmağı planlaşdırır.
İraq mərkəzi hökumətinə göndərilən neftə gəldikdə isə,kürd parlamentinin neft və qaz komitəsinin sədri Dilşad Şaaban bildirib ki,regional hökümət Türkiyənin Ceyhan limanından İraqın “SOMO” şirkətinə 150 min barel neft tədarük edir.
O, qeyd edib ki, kürd bölgəsi beynəlxalq bazarlara neft satmağa davam edəcək, çünki mərkəzi hökümət ilə büdcə məsələləri həll edilməyib.
* İraq Kürdüstanı ilə neft ixracını müqayisə etmək üçün bildirək ki, Dövlət Gömrük Komitəsinin məlumatına görə, 2015-ci ilin yanvar-avqustunda Azərbaycan xarici bazarlara orta hesabla gündə 675 min barel neft ixrac edib.
