“ExxonMobil” şirkətinin prezidenti Reks Tillerson hazırda və 2040-ci il arasında enerjiyə təlabatın 30% artacağını proqnozlaşıdırır.
İyunda OPEK təşkilatının baş katibi Abdalla Əl-Badri bildirmişdi ki, 2040-cı ilə enerjiyə təlabat 50% artacaq. Bundan sonra məsələyə münasibət bildirən Reks Tillerson isə qeyd edib ki, şirkətin proqnozu OPEK-in təxminindən azdır – “ExxonMobil” təlabatın 35%-ə qədər artacağını gözləyir.
“Tələb artımı üçün bir neçə amill var. Üç əsas: bu əhalinin artımı – iki milyard yeni istehlakçı,iqtisadiyyatın artımı və enerji səmərəliliyinin çoxalması. Baxmayaraq ki, enerji səmərəliliyi bizim strategiyanın mühüm tərkib hissəsidir, biz hesab edirik ki, enerjiyə təlabat istənilən halda artacaq və artım 2040-cı ilə kimi 30% təşkil edəcək”, – deyə Tillerson Londonda keçrilən “Oil & Money” konfransında bildirib.
O, həmçinin bildirib ki, tələbin artımına orta sinifə mənsub insanların sayının artması da səbəb ola bilər.
“Bu o deməkdir ki, onlar daha çox soyuducu, mikrodalğalı soba və avtomobil alacaqlar”, – deyə Tillerson izah edib.
