Azərbaycan qazının Avropaya tədarükü 2022-2025-ci illərdə başlayacaq. Bunu Rusiyada nəşr edilən “İzvestiya” qəzetinə müsahibəsində Qaz İxrac edən Ölkələrin Forumunun baş katibi Seyid Məhəmməd Hüseyn Adeli deyib.
Onun sözlərinə görə, Azərbaycan qazının Avropa İttifaqına tədarükü 2022-2025-ci illərdən tez olmayacaq, İran qazının tədarükünə isə daha gec başlanılacaq.
Baş katib qeyd edib ki, İranda qazın maya dəyəri Rusiya qazının maya dəyərindən yüksəkdir (2014-cüildə İranda qazın 1000 m3-nun maya dəyəri 50 dollar olduğu halda, “Gazprom” şirkətinin rəsmi məlumatına görə iyunda maya dəyəri 1435 rubl olmuşdu, yəni – 42 dollar, 2015-ci il devalvasiyasından sonra isə 30 dollara qədər azalıb).
Hüseyn Adeli əlavə edib ki, onun müşahidələrinə görə, İran öz qazının ixracında boru kəmərlərinə deyil, sıxılmış qaza üstünlük verəcək və bunu əsasən Asiya bazarlarına yönəldəcək. Avropa istiqaməti isə daha uzunmüddətli perspektivə hesablanıb.
