Azərbaycan nefti sürətlə bahalaşmaqda davam edir. Artıq ikinci gündür ki, qiymət artımı sayəsində Azərbaycanın Supsa, Batumi və Ceyhan limanları vasitəsilə dünya bazarına çıxararaq satdığı “Azeri LT CIF” markalı xam nefti təqribən 4,2%-ə qədər bahalaşıb.
“Report” xəbər verir ki, hazırda “Azeri LT CIF” markalı neftin bir barelinin qiyməti 54,18 dollara bərabərdir.
Caspian Barrel bildirir ki, 2015-ci il sentyabrın 23-dən başlayaraq Azərbaycan neftinin bir bareli bazarlarda 50 dollardan aşağı qiymətə satılırdı.
Xatırladaq ki, “Azeri LT CIF” kotirovkasının minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.
