Azərbaycanın energetika naziri Natiq Əliyevin “Respublika” qəzetində nəşr olunmuş məqaləsində deyilir ki,cari ilin yanvar-sentyabrında Azərbaycan qazının Türkiyəyə ixracı 4.24 milyard kub metr təşkil edib.
Bu dövrdə Gürcüstana qaz ixracı 519,7 milyon kubmetr təşkil edib.
“Bu ilin üç rübü ərzində Azərbaycanda qaz hasilatının həcmi 21.6 milyard kubmetr olub ki,bununda 16.4 milyard kub metri “Şahdəniz” və “Azəri-Çıraq-Günəşli” yatağından hasil olunub. Bundan əlavə SOCAR “Şahdəniz” yatağından 2.32 milyard kub metr qaz alıb”,- deyə məqalədə deyilir.
Nazir yazır ki,hazırda Azərbaycanda qaz hasilatı gündə 89 milyon kub metr təşkil edir(lay təzyiqinin saxlanılması üçün neft quyularına vurulan texniki qazın həcmi daxil olmaqla).
“Bu ilin 9 ayı ərzində respublika əhalisinə,sənaye müəssələrinə və ixraca tədarük edilmiş qazın həcmi 10.4 milyard kub metr təşkil edib ki,bu da proqnozdan 674 milyon kub metr və ya 6.9% çoxdur,- deyə Əliyev qeyd edib.
