Gələn il Rusiya Federasiyası vasitəsilə Türkmənistan neft hasilatçıları 700 min ton xam nefti dünya bazarlarına nəql etməkləri barədə sifariş veriblər.
Bu barədə “Transneft” SC-nin prezidentinin müşaviri İqor Demin Neft İnformasiyası Agentliyinə məlumat verib.
Onun sözlərinə görə, 2015-ci ildə Türkmənistandan Rusiya vasitəsilə dünya bazarlarına göndərilən neft həcmləri 770 min ton cıvarında proqnoz edilir.
Caspian Barrel xatırladır ki, 2014-cü ildə Türkmənistan Rusiya vasitəsilə xarici bazarlara 1 milyon tona yaxın neft çıxartmışdı. Türkmənistan üçün öz neftinin prioritet ixrac marşrutu 2010-cu ildən Bakı-Tiflis-Ceyhan neft kəməridir. 2013-ci ildən stabil olaraq bu kəmərlə bazarlara 3,5 milyon tondan artıq xammal daşınır.
