İranın neft nazirinin müşaviri Mahmud Astanex bildirib ki,ölkəsi 2016-cı ilin aprelinə gündəlik qaz hasilatını 700 milyon kub metrə qədər artıracaq.
Beləliklə,İranda ümumi qaz hasilatı gündə 50 milyon kub metrə qədər artacaq. Müşavir qeyd edib ki,yaxın bir neçə il ərzində bu göstərici gündə 1.2 milyard kub metrə qədər artacaq. Bu həcmin yarısı daxili istehlak üçün nəzərdə tutulub.
Astanex qeyd edib ki,İranda qarşıdakı qış mövsümündə qaz istehlakı sutkada 550 milyon kubmetrdən artıq olmamalıdır. Beləliklə,qış mövsümündə ölkədə təbii qaz çatışmamazlığı gözlənilmir.
