Neft qiymətlərinin aşağı düşməsi monoton iqtisadiyyatlı ölkələr üçün baş ağısına çevrilirsə, onlara iqtisadi problemlər yaşadırsa, inkişaf etmiş ölkələr üçün daha geniş imkanlar açır.
Caspian Barrel 70-ci illərdən bəri neftin qiymətinin enib-qalxma periodundakı dövrləri nəzərdən keçirərkən ona qənaətə gəlib ki, bu enmələr zamanı neft ixracatçıları adətən öz ehtiyatlarını sərf etməklə iqtisadiyyatlarındakı əvvəlki tempi saxlamağı çalışıblar (heç bir dövlər də buna nail olmayıb) və o ümidlə yaşayıblar ki, tezliklə neftin qiyməti qalxacaq və hər şey düzələcək. Həmin dövrdə isə neftdən asılı olan inkişaf etmiş olkələr əvvəllər enerji idxalına xərclədikləri çoxmilyardlı vəsaitlərin bir hissəsini artıq elm, texnika və innovativ sahələrə yönəltmək iqtidarında olublar. Çox keçməyib ki, bu öz bəhrəsini verib. Neft qiymətləri qalxanda belə həmin ölkələr texnoloji nailiyyətlər hesabına resurs ölkələrindən daha çox gəlir etməyə başlayıb və inkişafda daha sürətlə irəli gediblər. Bu isə sonda insanların həyat standartlarında özünü göstərməyə başlayır. Məsələn, hələ 2010-cu ildə Qərbdə aparılan araşdırmalar onu göstərib ki, Səudiyyə Ərəbistanı neftin yuksək qiymətləri fonunda yalnız 30 ildən sonra İspaniyada indi mövcud olan standartlara (ekoloji, sosial, huquqi, təhsil, tibbi) yetişə bilər.
Elə bu baxımdan da Fins.az-ın Yaponiyanın avtomobil istehsalıçısı “Cocoa motors”-un əl çantasına sığan 3 kiloqramlıq “mikro-elektroavto” haqda məlumatını oxumaq yerinə düşər.
“Walkcar” adı verilən maşın noutbok ölçülərində, incə bir alüminium lövhəyə montaj edilmiş dörd təkər və elektrikli mühərrikdən ibarətdir. Ağırlıq mərkəzi dəyişdirilməklə idarə edilən kiçik avtomobil saatda 10 kilometr sürətlə hərəkət edə bilir. 3 saata enerji yığan “Walkcar” birdəfəyə 12 kilometr məsafə qət edir. Kiçik çala-çüxurlardan da keçə bilən maşın çəkisi yalnız 120 kiloqrama qədər olan insanları daşıya bilir. “Walkcar”ın 2016-cı ilin yazında satışa çıxarılacağı gözlənilir.
Aşağıdakı vidorolikdə onun real həyatdakı görüntüləri və gündəlik praktik istifadə sahələri ilə daha geniş taniş ola bilərsiniz:
