2015-ci il ilin 1 yanvarından 25 iyuluna qədər olan müddətdə Trans-Balkan qaz kəməri ilə Türkiyəyə qaz tədarükü ötən ilin eyni dövrü ilə müqayisədə 26% azalıb. İyulda tədarükün həcmi 35% azalıb. Qazprom Trans-Balkan qaz kəmərini “Türk Axını” ilə əvəz etməyə hazırlaşır.
Beynəlxalq Enerji Agentliyinin (BEA) məlumatına görə, yanvar-mayda “Mavi Axın” ilə Türkiyəyə qaz tədarükü 9% artıb ki, bu da qərb marşrutu üzrə itkiləri kompensasiya edib.
“Qazprom” heç vaxt qaz kəmərləri tikmək planlarını bazar vəziyyəti ilə bağlamır.Əksinə “milli əmanətin” rəhbərliyi ixrac potensialının genişləndirilməsi layihələrini Rusiya qazına təlabatın azaldığı bur vaxtda bəyan edir.
*Caspian Barrel xatırladır ki,2014-cü ilin nəticələrinə görə,”Qazprom” Ukrayna vasitəsilə Avropaya 60 milyard kub metr qaz tədarük edib. 2013-cü ildə bu göstərici 82 milyard kub metr təşkil edib. 2010-cu ildə Ukrayna vasitəsilə Avropaya qaz tədarükü 100 milyard kub metr səviyyəsində idi. 2014-cü ilin dekabrında “Qazprom” Ukrayndan yan keçməklə “Türk Axını” qaz kəmərini inşa etmək istədiyini bəyan edib.
