Tanınmış ABŞ şirkəti “General Electric Oil and Gas” (GE Oil & Gas) Trans-Anadolu Boru Kəməri (TANAP) layihəsi üçün müasir standartlara uyğun turbo qaz kompressorları istehsal edəcək.
APA-ya istinadən Caspian Barel xəbər verir ki, “GE Oil & Gas” şirkətinin hazırlayacağı kompressorlar daha yüksək təzyiqə davamlılığı və ən aşağı emissiya səviyyəsinə görə fərqləndiyindən, TANAP üçün ən uyğun namizəd hesab edilib.
Boru xəttinin “ürəyi” hesab edilən aerotörəmə qaz turbinləri üzrə bağlanmış bir neçə milyon dollarlıq müqaviləyə əsasən, məhsullar İtaliyanın Florensiya şəhərində yığılacaq, test edilərək 2017-ci ildə layihə tərəfdaşlarına təhvil veriləcək.
TANAP layihəsinin birinci mərhələsi 2018-ci ilin birinci yarısında gerçəkləşdiriləcək.
Qeyd edək ki, “GE Oil and Gas” şirkəti Türkiyənin 4 şəhərində qazdan alınan enerjinin 50%-dən çoxunu istehsal edir.