SOCAR (Azərbaycan Dövlət Neft Şirkəti) 2015-ci ilin I yarısında qazma işlərinin həcmini 2014-cü ilin analoji dövrü ilə müqayisədə 25,9% – 53,436 min metrədək azaldıb. Bu barədə SOCAR-ın mətbuat xidmətinin məlumatında bildirilir.
Bununla yanaşı, kəşfiyyat qazma işlərinin həcmi 1 min metr (azalma 38,6%), istismar qazma işlərinin həcmi 52,436 min metr (azalma 25,6%) təşkil edib.
Cari ilin iyun ayında SOCAR üzrə qazma işlərinin həcmi 9,518 min metr təşkil edib.
Birinci yarımillikdə SOCAR-ın qazma idarələri tərəfindən 35 yeni quyu istismara verilib.
Xəbər verildiyi kimi, 2014-cü ildə SOCAR üzrə qazma işlərinin həcmi 127,346 min metr, o cümlədən istismar qazma işlərinin həcmi 124,718 min metr, kəşfiyyat qazma işlərinin həcmi 2,628 min metr təşkil edib.
