“Agerpres” dövlət informasiya agentliyi apelyasiyya məhkəməsinə istinadən xəbər verir ki, Rumıniya prokurorluğu Rusiyanın “Lukoil” neft-qaz şirkətinin bu ölkədəki iki milyard avro dəyərində olan aktivlərinə həbs qoyulması haqda qərar qəbul edib.
Məlumatda bildirlir ki, həbs LUKoil Europe Holdings Bvatrium Holland şirkətinin Niderland və Böyük Britanitada olan bank hesablarına və şirkətə məxus Rumıniyanın Petrotel Lukoil S.A. səhmlərinə qoyulub.
Hələ ötən ilin oktyabrında Rumınya polisi “Petrotel Lukoil S.A” şirkətinin zavodunda və ofisində 230 milyon avro məbləğində vergidən yayınma və çirkli pulların yuyulması şübhəsiylə axtarış aparıb.
İndi isə prokurorluq yeni şübhəli halların ortaya çıxdığını bəyan edib. Şübhəlilər arasında “Petrotel Lukoil S.A” şirkətinin başçısı və daha 5 əməkdaşı da var.
