Qazaxıstanda fəaliyyət göstərən neft şirkəti çətin maliyyə vəziyyətdə olduğunu açıqlayıb

Qazaxıstanda fəaliyyət göstərən Britaniyanın Max Petroleum şirkəti özünün çətin vəziyyətdə olduğunu açıqlayıb. Bu barədə Qazaxıstanın fond birjasının rəsmi saytında bildirilir.

MaxPetroleum “Sberbankdan” əsas borcun və kreditlər üzrə ümumi məbləği 80 milyon dollar olan  faziləri ödəmək üçün 2015-ci ilin 14 dekabrına qədər qeyd-şərtsiz möhlət alıb. Eyni zamanda 30 iyun 2015-ci il tarixinə faizlərin hesablanmış məbləği 3.8 millyon dollar təşkil edir.

Bundan əlavə Max Petroleum Qazaxıstanın maliyyə nazirliyindən bildiriş alıb ki,vergi qanunvericiliyinə uyğun olaraq A və E sahələrinin öyrənilməsi zamanı dövlətin çəkdiyi xərcləri ödəmək üçün 20 milyondan artıq ödənişlərdə vergi tutulacaq.

Şirkət bu şərhi ilə razı deyil  və hesab edir ki,  tarixi xərcləri ödəmək öhdəliyini yerinə yetirib. Şirkət bu məsələ ilə bağlı öz mövqeyini vergi orqanlarına təqdim etmək niyyətindədir.

Həmçinin şirkətin cari fəaliyyətini təmin etmək üçün AGR şirkətindən 37 milyon funt sterlinq borcun alınması və “Sberbank” ilə borcun uzun müddətli müddətə restrukturizasiya edilməi üçün danışıqlar aparır.

Max Petroleum Qərbi Qazaxıstanda enerji resursları ilə zəngin olan Xəzəryanı hövzədə fəaliyyət göstərir.