Azərbaycan Respublikası Dövlət Neft Şirkəti (SOCAR) Türkiyənin “Petkim” neft-kimya kompleksinin fond birjasındakı sərbəst tədavüldə olan səhmlər paketinin 3,4 faizini Beynəlxalq İnvestisiya Fonduna satır. Bu barədə Trend Türkiyənin İctimaiyyəti Məlumatlandırma Platformasına (Kamuoyunu Aydınlatma Platformu – KAP) istinadən məlumat verir.
Səhmlərin İstanbul birjası vasitəsilə satışının vasitəçisi qismində “Ünlü & Co” çıxış edir.
Qeyd edək ki, SOCAR “Petkim”də 61,32 faiz iştirak payına malikdir.
Caspian Barrel xatırladır ki, SOCAR-ın “Petkim” şirkətindəki payının bir hissəsini satışa çıxarması haqda ilk informasiya mətbuata cari ilin fevralın əvvəlində sızmışdı. O zaman “Petkim” neft-kimya kompleksinin İdarə Heyətinin üzvü, “SOCAR Turkey Enerji”nin rəhbəri Kənan Yavuz bildirmişdi ki, bu, xarici investorların SOCAR-a və “Petkim”ə olan inamının nümunəsidir.
