“Şahdəniz” yatağından “Mərhələ-1” çərçivəsində (noyabr 2006 – 1 iyun 2015) hasil edilən ümumi qazın həcmi 62 milyard kub metr təşkil edib. Bu barədə SOCAR-ın birinci vitse-prezidenti Xoşbəxt Yusifzadə Bakıda keçirilən 22-ci Beynəlxalq “Caspian Oil & Gas-2015” konfransında çıxışı zamanı deyib.
“Bu dövr ərzində “Şahdəniz” yatağından 16 milyon ton kondesat hasil edilib,- deyə Yusifzadə bildirib.
Onun sözlərinə görə,Şahdəniz yatağının istsimarı müddətində Gürcüstana 4.6 milyard kub metr,Türkiyəyə isə 34 milyard kub metr qaz tədarük edilib.
SOCAR-ın birinci vitse-prezidentin sözlərindən belə nəticə çıxarmaq olar ki,”Mərhələ-1” çərçivəsində Azərbaycan tərəfi 23.4 milyard kub metr qaz alıb. Yəni qazın 37.7% Azərbaycan tərəfindən istifadə ediib, 62.3% isə ixrac edilib.
“Şahdəniz” layihəsi 1996-cı ildə imzalanıb. Layihənin iştirakçıları aşağıdakı şirkətlərdir: BP (operator, 28,8%), TPAO (19%), SOCAR (16,7%), Petronas (15,5%), Lukoil (10%) və NICO (10%)
