“Moskva hesab edir ki, Transxəzər qaz kəmərinin tikintisi il bağlı birtərəfli fəaliyyət region ölkələri arasında inamın itirilməsinə gətirib çıxaracaq”. Bunu Rusiya Xarici İşlər Nazirliyinin xüsusi nümayəndəsi Aleksandr Lukaşeviç deyib.
Azərbaycanı və Türkmənistanı birləşdirəcək Transxəzər qaz kəməri Avropaya Rusiyadan yan keçməklə qaz tədarük edəcək “Cənub qaz dəhlizin”ə birləşmək üçün lazımdır. Aİ,Bakı və Aşqabadın fikrincə Xəzərin dibi ilə qaz kəmərinin tikintisi üçün xəttin keçəcəyi ölkələrin razılığı kifayətdir. Bu cür mövqeyə Rusiya və İran qarşı çıxır.
“Transxəzər qaz kəmərinin tikintisi ilə bağlı birtərəfli fəaliyyət Xəzəryanı ölkələr arasında inamsızlığa gətirib çıxaracaq. İstisna deyil ki, layihənin regiondan olmayan lobbiçiləri “strateji tərəfdaş” və qaz kəmərinin bütün siyasi dividentlərinin tərəfdarı qismində buna nail olmağa çalışırlar”,- deyə Lukaşeviç KİV-nin suallarına çavab verərkən deyib.
