SOCAR (Azərbaycan Dövlət Neft Şirkəti) 2015-ci ilin yanvar-aprel aylarında Ceyhan neft terminalından 5 mln. 925,281 min ton Azərbaycan nefti nəql edib ki, bu da 2014-cü ilin müvafiq dövrünün göstəricisindən 12,6% azdır. Bu barədə SOCAR mətbuat xidməti məlumat yayıb.
Aprel ayında SOCAR Ceyhan terminalından 1 mln. 370,882 min ton neft nəql edib.
Xəbər verildiyi kimi, 2014-cü ildə şirkət Ceyhan terminalından 20 mln. 483,248 min ton Azərbaycan nefti nəql edib.
BTC neft kəmərinin uzunluğu 1768 km-dir.Bunun 443 km-i Azərbaycan, 249 km-i Gürcüstan, 1076 km-i Türkiyə ərazisindədir. Boru kəmərinin ötürmə qabiliyyəti ildə 50 mln. tondan çoxdur.
Layihənin iştirakçıları BP (30,1%); SOCAR (25%); “Chevron” (8,9%); “Statoil” (8,71%); TPAO (6,53%); ENI (5%); “Itochu” (3,4%); “ConocoPhillips” (2,5%); INPEX (2,5%); “Total” (5%) və ONGC (2,36%) şirkətləridir.
