Azərbaycan Respublikası Dövlət Neft Şirkəti (SOCAR) “Abşeron” qaz kondensat yatağının işlənməsi ilə bağlı Farnsanın Total şirkəti ilə danışıqları davam etdirir. Bu barədə jurnalistlərə SOCAR-ın prezidenti Rövnəq Abdullayev bildirib.
Onun sözlərinə görə, bu mərhələdə, yatağın işlənməsinin ümumi proqramı hazırlanır.
“Biz ilkin dizaynının tamamlanması və FİD layihənin (yekun investisiya qərarı) qəbul edilməsi ərəfəsindəyik”,- deyə Abdullayev bildirib.
Əvvələr məlumat verilirdi ki,SOCAR və Total “Abşeronda” hasil ediləcək qazın Qaradağda inşa ediləcək qaz emalı zavodunda emal edilməsi barədə danışıqlar aparır.
Bundan başqa,qazın yeni neft-kimya kompleksində emal edilməsi və daha sonra yarımfabrikatlar formasında ixracı variantıda müzakirə edilir.
Total şirkətinin proqnozlarına görə,”Abşeron” yatağından ilk qaz 2021-ci ilin IV rübündə qəbul ediləcək.
Layihə üzrə yekun investisiya qərarı 2017-ci ilin IV rübündə qəbul ediləcək və ilk istehsal quyusunun qazılması 2019 ilin son rübündə planlaşdırılır.
Layihədə SOCAR – 40%, Total – 40% (operator) və Gaz De France Suez – 20% şirkətləri iştriak edirlər. Yataqda 350 milyard kubmetr çıxarıla biləcək qaz ehtiyatı var.
